شەفەق نیوز/ وەڕێوەبەر پڕۆژەی بەنداو موسڵ، حاتەم تەیب فەتحی، ئمڕوو چوارشەممە، خەڵک پارێزگای نەینەوا و پارێزگارەیل نزیک لە رەوش بەنداوەگە دویای شەپۆل وارانوارین و لافاو، دڵنیا کرد.
ئەوەیش دویای چەن رووژیگ هات پولیس نەینەوا هوشداری دادە خاوەن کانی و بەلەم و گازینۆیل کەنار دیجلە لە موسڵ، لە بەرزەوبوین ئاستی چەم دیجلە لەوەر لافاو و زیایبوین ئاست ئاو لە بەنداو موسڵ.
فەتحی ئەرا ئاژانس (شەفەق نیوز) وت: "پەیامیگ دڵنیایی ئەرا خەڵک نەینەوا کلکەم کە بەنداو موسڵ بیوەیە و وە شیوەیگ ئاسایی کارد کەێد، و کارەیل پڕکردنەو و چەودیاریکردن بەنداوەگە وەردەوامە".
فەتحی دیاری کرد کە "بەنداوەگە هویچ گیچەڵیگ نەیرێد لە هەڵگردن ئاودا، و گشت هەستەوەرەیل کار کەن و چەودیاریکردن رەوش پرکردن وەریەو چوود، چ وە دەس یا ئەلیکترۆنی"، داوا لە خەڵکەگە کرد "گووش لەو قسەیلە نەگرن کە باس لە رخ هەڕەشەی رمیان بەنداوەگە کەن”.
وەزارەت سامانە ئاوییەیل وەردەوام قسە لە بەدی رەوش بەنداو موسڵ پویچەڵ کەێد، و دووپات کەێد کە بوەتەواوی بیوەیە.