شەفەق نیوز- نەجەف

دادگای نەجەف، ئمڕوو دوشەممە، فەرمان بەندیکردن سادە وەرانەور وە قایمقام نەجەف ئیسە عەلی کازم دەرکرد، وەپای بڕگەیل مادەی (229) لە یاسای سزایەیل عراقی شمارە (111) ئەرا ساڵ 1969، و یەیش لەبان سکاڵایگ کە پارێزگار نەجەف یوسف کەناوی پیشکەشی کرد.

 وەپای بەڵگەنامەی فەرمانەگە کە رەسیە دەس ئاژانس شەفەق نیوز، دادگاگە بڕیار سزاداین قایمقام نەجەف وەپای مادە یاساییەگە دا، و فەرمان بەندیکردن سادە لەبانی ئەرا ماوەی چوار مانگ دەرکرد.

 ئی رێکارەیلە لەبان قەیرانیگ وەرین هاتن کە دزەکردن تووماریگ دەنگی ئەرا قایمقام قەزای نەجەف لەخوەی گروۊد کە سووکایەتیکردن وە باوگ پارێزگار کەناوی لەناوی بۊ.