شەفەق نیوز/ ئەنجومەن نۆێنەران، مانگ کانون دوویەم ئایندە دیاریکرد ئەرا مەوقەی دانیشتنەیل پرسیارکردن عەلی عەلاوی وەزیر دارایی، لەپشت ئەرزانکردن نرخ دینار وەرانوەر دۆلار ئەمریکی.
لە بەڵگەنامەیگ لە لایەن ئەنجومەن نۆێنەران لە رووژ ٢٨ کانون یەکەم ئاڕاستەی کریاگە، و رەسیە ئاژانس شەفەق نیوز نووسیاگە: لە بنەمای داوای پرسیارکردنەگە ک لەلایەن پەرلەمانتار یوسف بعیر عەلوان کلابی خریاسە وەردەس، و لە هەسی مەرجە دەستووری و یاساییەگان لە داواکاریەگە، دویایی پرسیار و خاڵەگان ک داواکاریەگەی پرسیارکردن وەزیر دارایی دیارییان کردگە ئاڕاستە کەیمن.
وەگورەی بەڵگەنامەگە ئەنجومەن نۆێنەران دیاری مانگ کانون دوویەم ٢٠٢١ کردن ئەرا پرسیارکردنەگە.
ئاماژەیە ک عەلی عەلاوی وەزیر دارایی، خوەی یەکەم وەزیرە لە حکومەت موستەفا کازمی ک ئەوەسا لە ئەنجومەن نۆێنەران پرسیاری کریەێد.