شەفەق نیوز/ سەرچەوەیگ ناوخوەیی، ئمڕوو دووشەممە، خەوەردا کە ناوچەیل شۆمەلی لە شار حلە، ناوەند پارێزگای بابل، خوەینشاندان فراوانیگ وەخوەی دی، وە داوای خاسەوکردن خزمەتگوزارییەیل سەرەکی، لە ئەنجام ئەو کەم ئاوی تیژە لە نزیکەی ١٠ ئاوای لە ناوچەگە.
سەرچەوەگە ئەرا ئاژانس شەفەق نیوز دیاری کرد کە خوەینشاندەرەیل بیزاری خوەیان نشان دان لە بەدی رەسین کارەبا، کە هیشت ری ناودەوڵەتی ناوەین بەغدا و بەسرە بووڕن، کە جویلەی هامشوو لە ناوچەگە بڕی.
وەگورەی زانیارییەیل، هیزەیل مقیەتیکردن یاسا تەقەلا دانە ریکری لە ناڕەزایەیل بکەن، کە وە زبری تەقەلای چویچانن ناڕەزایل دانە، کە بویەسە وەردەوەردە و کوچک وەشانن، کە لە ئەنجامی چەن کەسیگ زەخمدار بوی، و ئەرا خەسەخانە بریان.