شەفەق نیوز/ موستەفا کازمی سەرۆک وەزیران وستیڤن هیکی باڵوێز بڕیتانی، ئمڕوو سێشەممە، لە بەغدا، باس هەماهەنگی هەوڵەگان کردن ئەرا پاڵپشتی ئابووری عراق، و چاکسازیە حکومەتیەگان. ئەویش لە وەخت پێشوازیکردن کازمی لە هیکی باڵوێزله‌ نووسینگەی خوه‌ی ، وەگورەی بەیاننامەیگ لە حکومەت عراق. لە چەوپیکەفتنەگە باس پەیوەندیە دووانیەگان کریا ناوبەین عراق و بریتانیا، و شیوەیل ئەوزەڵکردنیان، و بتەوکردن هاوکاری هاوبەش و پاڵپشتی لە چینەیل جورا جور. هەمیش باس رەوشەیل ئیسە و نووەوبویەگان ناوچەگە کریا، و باوەتەیل هاوبەش، و رەنجە ئەمنیەگان لە نواگردن تیرۆر، ئەرا پاڵپشتی ئاسایش و ئارامی لە عراق و ناوچەگە. کازمی وهیکی باس هەماهەنگی و هاوكاری وەگەرد رێکخراوە ناودەوڵەتیەگان کردن ئەرا پشتگیری لە ئابووری عراق، و چاکسازیەگان حکومەت لەی باوەتە.