شەفەق نیوز/ پەرلەمانتاریگ کورد، ئمڕوو دووشەممە، راگەیان حکومەت عراق ئەوەسا ٥٠ هەزار لەتر لە نەفت چەرمگ رەوانە کەێد ئەرا شەش ناوچە لە هەرێم کوردستان

غالب محمد نوێنەر بزووتنەوەی گۆڕان لە ئەنجومەن نوێنەران عراق، لە ماڵپەڕەگەی خوەی لە فەیسبووک نووسان: دویای تەقەلایل فرەیگ ئەرا دابینکردن نەفت جەرمگ ئەرا هەرێم کوردستان، لە ١٢ی ئاب گوزەیشتە وەکتاویگ فەرمی و هەمیش وە تەلەفۆن داوای پەیوەندی وەگەرد  کەریم حەتاب جینشین وەزیر نەفت ئەرا دابەشکردن بەرهەمە نەفتیەگان، ئمڕوو کۆبونەوەیگ ئەرا ئی باوەتە وەگەردی کرد

محمد وتیش؛ لە کۆبونەوەگە بڕاردریا رەوانەکردن ٥٠ هەزار لەتر لە نەفت چەرمگ ئەرا شەش ناوچە لە هەریم کوردستان، لەبان ئەو داواکاریەگ ئەرا جیگرەگە دریا، وئاماژەکرد ک فەرمانەگە لە هەفتەی ئایندە دەرچوود، و وەنرخ فەرمی ک رەسێدە بایی ١٥٠ دینار ئەرا هەر لەتریگ، و ئەگەر هەر بەرمیلیگ ٢١٠ لەتر گرێد، نرخ یەک بەرمیل بوودە ٣١٠٠٠ دینار عراقی