شەفەق نیوز/ سەرچەوەیگ ئەمنی، ئمڕوو شەممە، خەوەردا ک ئەندامیگ ئەمنی چیە ناو بارەگای کۆمپانیایگ تایبەت لە بەغداد.
سەرچەوەگە ئەرا ئاژانس شەفەق نیوز وت: ئەندامیگ لە هیزەیل تایبەت، چیەسە ناو کۆمپانیایگ کار وە (قیست) کەێد، دویای مرافەیگ وەگەریان، چوینکە مووچەگەی وە سنگ قیست بڕینە، لە ناوچەی سەیدیە لە بەغداد.
سەرچەوەگە وتیش: ئەندامە ئەمنیەگە ئیسە –مەوقەی نویسین خەوەرەگە- هاناو کۆمپانیاگە، ونارنجەیگ وەدەسی گردیە، وهەڕەشەی تەقانن کۆمپانیاگە دەێد، وهیزەیل ئەمنی دەور کۆمپانیاگە گردنە، وخوازن ئەو کارە کپەو بکەن.