شەفەق نیوز ـ بەغدا
وەزارەت بازرگانیی عراق، لەبان زەوی پێشانگای ناودەوڵەتیی بەغدا، 49ـەمین پێشانگای ساڵانەی خوەی وە ئامادەبوین وەزیری بازرگانی و شمارەیگ لە باڵیۆز و وەرپرسەیل، و وە بەشدارییگ فراوان کۆمپانیا ناوخوەیی، عەرەبی و جیهانییەیل رێکخس.
وەزیر بازرگانی ئەسیر غەریری لە وتاریگ مەوقەی ئاهەنگ وازکردنەگەی (دویەشەو یەکشەممە) وت ، 36 وڵات لەی خولەی پێشانگاگە بەشداریکردنە، دیاریکرد عراق بویەسە ژینگەیگ راکێشان وەبەرهێنان.
وتیش، ئێ بەشدارییە پەیامیگ رووشنە عراق بویەسە ی متمانە و دەرفەت گەپیگ وەبەرهێنن لە کەرتەیل بازرگانی، پیشەسازی، گەشتیاری و مژارەیل ترەک".
وتیش؛ زیاتر لە 1100 کۆمپانیا لە پێشانگای بەغدا ئامادەن، ئاشکرایکرد، کێبڕکێیەکی تون هەس ئەرا پەیاکردن پێگەیگ لەبازاڕ عراق، چوینکە بازاڕیگ گەورە و وەکاربەرە، بیجگە لەوەگ دەرفەت خاسیگە ئەرا کۆمپانیا و پیشەسازییە جیاوازەیل تا هاوبەشیی هەمەجویر پێکبارن.
پێشانگاگە چەندین پسپۆڕیی جیاواز لە کەرتەیل تەکنەلۆژیا، وزە، بازرگانی و پیشەسازییە هەمەجویرەیل گرێدەخوەی، وەرد ئەو دروشمەیلە پوڕێد دووپاتکەێد لەبان دیدگای ئابووریی ئایندە و بەهێزکردن داهێنان و ئەوزەڵداین کەێد.