شەفەق نیوز/ سەرچەوەیگ ئەمنی وەرپرس، ئمڕوو سێشەممە، خەوەردا ک گەراجیگ و ماڵ کەسیگ خانەنشین کەفتنە وەر دوو پەلامار وە دوو بومب، ئەوەیش لە دوو رویداو جیاجیا لە دوو ناوچەی بەغداد پایتەخت.
سەرچەوەگە ئەرا ئاژانس شەفەق نیوز وت: کابرایگ نەناسریاگ بومبیگ وەشانە ناو گەراجیگ ماشێن لەناوچەی حەی ئوور خوەرهەڵات بەغداد، ک زەرەد وە ٤ ماشین رەسان، وە بی زەخمداری کەسیگ.
لە رویداویگتر، خود سەرچەوەگە وت: چشتیگ تەقیەسە ماڵ هاووڵاتییگ خانەنشین لەناوچەی زەیونە خوەرهەڵات بەغداد.
دیاری کرد ک دویای رەسین ئەرا شوین رویداوەگە، دەرکەفت ک کابرایگ نەناسریاگ بومبیگ دروسکریاگ وەشانیەسە ناو ماڵەگەی، و تەنیا زەرەد دارایی رەسانیە.