شەفەق نیوز/ فەرماندەیی ئۆپراسیۆنەیل بەغداد، ئمڕوو دووشەممە، دەسگیرکردن پەنج داواکریای راگەیان تیرۆرستیگ هاناویان، و مەفرەزەیل وەڕیەوبەرایەتی دژو تاوان توەنست بڕەسێدە بندروس تاوان کوشتن نادیاریگ.
فەرماندەییەگە لە بەیاننامەیگ رەسیە ئاژانس شەفەق نیوز وت: هیزیگ لە لیوای کۆماندۆ لە فەرماندەیی ئۆپەراسیۆنەیل بەغدا، وە بەشداری مەفرەزەیل ئاژانس هەواڵگری، توەنست تیرۆریستیگ داعشی دەسگیر بکەن، دویای دیاریکردن شوینەگەی و وەشوینکەفتن جموجویلی لە گەڕەک شوهەدا لە قەزای ئەبو غرێب.
هەرلیوا، مەفرەزەیل فیرقەی یەکەم ئامێرەی لە پۆلیس فیدڕاڵی توەنستن چوار توومەتبار دەسگیر بکەن، دووانیان ریەیل گشتی و کەنار ریەیل کردنەسە گەراج ماشین و پویل لە مەردم بەن، ئەوەیش لە ناوچەیل ئەبو غرێب و جورف نەداف، و دۆرە لە کەرخ و رەسافە.
لەلای خوەییش، ئاژانس کاروبار پولیس لە وەزارەت ناوخۆ، لە بەیاننامەیگ رەسیە ئاژانس شەفەق نیوز وت: مەفرەزەیل وەڕیەوبەرایەتی دژە تاوان بەغداد، رەسینە بندروس تاوان کوشتنیگ لە شەو سەرساڵ بویە نزیک باخچەی زەورا ناوڕاس بەغداد، کە وەردەوەردەیگ وە چەقووکیشان ناوەین دوو بڕ گەنج، بویەسە مدوو کوشیان گەنجیگ.
دیاری کرد کە تیم کارکردن دروس کریا و رەسینە شوین تاوانەگە، و رەسینە ناسنامەی تاوانکارەیل و دەسگیر کریان.
وتیش: لەناو لێکۆلینەوە توومەتبارەیل ئاشکرای تاوان خوەیان کردن، و هەواڵەی دادگا کریان.