شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا لە خوەیکوشتن دویەتیگ و زەمداری دوو فەرمانبەر وە مەرافیگ چەکداری لەناوەین دوو برا لە دوو رویداو جیا لە بەغدای پایتەخت.
سەرچەوەگە وە ئاژانس شەفەق نیوز وت، " دویەتیگ لەداڵگبوی 2007 خوەیکوشتیە لە ری هەڵواسین خوەی وە وەکارهاوردن پارچە قوماشیگ بەسیاگ وە پەنکەی قەواسەی ناو وتاق ماڵەگە لە ناوچەی مەشتەل لە بەغداد، و هووکار خوەیکوشتنەگەی نەزانریاگە".
هەمیش، هەمان سەرچەوەگە داریکرد "مەرافیگ کە هووکاری نەزانریاگە لەناوەین برایەیل دروسبویە رەسیە ئەرا وەکارهاوردن چەک لە جویر دەوانچە لە ئەنجام یەکیگ لە براگان زەخمداربویە کە فەرمانبەرە لە وەزارەت کارەبا وەگەرد ژنیگ نزیکیان کە فەرمانبەرە لە وەزارەت پەروەردەی شار سەدر خوەرهەڵات بەغداد".
سەرچەوەگە وتیش "هێزەیل ئەمنی هاتنە و لایانەیل مەرافکەر دەسگیرکردنە".