شەفەق نیوز/ سەرچەوەیگ ئەمنی، ئمڕوو شەممە، خەوەردا لە پەیاکردن تەرم پیاویگ نەناسیاگ لە باکوور بەغداد، و باس دەسگیرکردن چوار ژن کرد ک گومان لەلیان کریاگە.
سەرچەوەگە ئەرا ئاژانس شەفەق نیوز وت: زانیاری رەسیە دەزگایل ئەمنی وە تەرمیگ لەناوچەی سریدات لە شەعەب باکوور بەغداد، وتیش: تەرمەگە لە وەدروم ماڵ ئەندامیگ لە حەشد شەعبی فڕە دریاگە، و ژنە خاوەن ماڵەگە و سێ خوەشکی لە بنکەی پولیس فەحامە دەسگیر کریان.
وتیش: لە کامیرایل نزیک شوین رویداوەگە دیار دا تەرمەگە لە ماڵ ئەو ژنەیلە لەو ماڵە دەرکەن، و دیاری کرد ک خاوەن ماڵەگە لەو مەوقە لەماڵ نەویە چوینکە لەناو حەشد شعبی لە تکریت بویە.
سەرچەوەگە وتیش: تەرمەگە بریا پزشک دادوەری ئەرا رەسین وە بندروس مردنی.