شەفەق نیوز - بەغداد
سەرچەوەیگ ئەمنی، ئمڕوو جمعە، خەوەردا، کە هیزە ئەمنییەیل رووفاتیگ نادیار ناسنامە لەناو تانکییگ ئاو پەیا کردنە، وەرد تەرمیگ کە شۊن گولەی لە سەری هەس، لە دوو رویداو جیاواز لە ناوچەیل جیاجیای بەغدای پایتەخت.
سەرچەوەگە ئەرا ئاژانس شەفەق نیوز وت، کە هیزە ئەمنییەگە سقانەیلیگ نادیار ناسنامە پەیا کردنە لەناو تانکییگ ئاو کە بەسیاگە وە "جەمەلۆن"یگ وڵکریاگ لە ناوچەی "جورف نەداف" لە جادەی "کڕێنەیل"، و تیمە تایبەتمەنەگە رووفاتەگە هەڵگرد ئەرا فەرمانگەی پزیشکی دادوەری ئەرا دیاریکردن سروشتەجەی وەپەی رێکارە بنەڕەتییەیل.
سەرچەوەگە وتیش کرد کە هیزیگ ئەمنی ترەک تەرمیگ نادیار ناسنامە پەیا کردنە لەناو ماڵیگ کۊنەی وڵکریاگ لە نزیک کۆمپانیای چینی لە سنوور ناحیەی "وەحدە"، وە دیاریکردن ئەوەگ دەرکەفتگە تەرمەگە شۊن گولە لە سەری هەس، کە ئەرا پزیشک دادوەری بریا، و لێکۆڵینەوەیگ ئەمنی واز کریاگە ئەرا زانستن بندروس رویداوەگە.