شەفەق نیوز ـ بەغدا
تیمەیل وەرگری شارستانی، ئمڕوو شەممە، توەنستن ئاگریگ کپەوبکەن کە لە ناو کۆگایگ ئەرا مادەیل بلاستیکی تایبەت وە خواردەمەنی لە نهۆم دویەم چێشتخانەیگ لە ناوچەی عتەیفیە لە بەغدا هیزگرد، وەبی توومارکردن زەخمداری.
وەڕێوەبەرایەتی وەرگری شارستانی لە بەیاننامەیگ کە رەسیە ئاژانس شەفەق نیوز دووپات کرد تیمەیل ئاگرکپەوکەر وەگەرد وەرگردن ئاگاداریەگە دەرچگنە، وە بەشداری 8 تیم تایبەتمەن و پاڵپشت وەگەرد ماشین پاچینەدار، لە ماوەی چەن خولەکیگ توەنستن کۆنترۆل ئاگرەگە بکەن وە تەواوی کپیەوبکەن.
دیارکرد کە زوی وەدەنگهاتنەگە بویە مدوو نواگیری لە بڵاوبوین ئاگرەگە ئەرا بەشەیل ترەک چێشتخانەگە و باڵەخانە و ناوچەیل هاوسای، زەرەدەیل تەنیا لایەن مادی بوی.
ئاشکرایکرد، لێکۆڵینەوە لە رویداوەگە وازکریاس و داوا لە پسپۆرەیل بەڵگە تاوان ناسی کرێد دیرای مدوو هیزگردن ئاگرەگە بکرێد، وەپای رێکارەیل یاسایی پشت وەپی بەسیاگ.
هەمیش لە کەربەلا، ئمڕوو شەممە، ئاگر لەناو دوکان "بگ هاوس" لە ناوچەی کەفیل هیزگرد، لە نزیک گۆرەپان سەید جەودە لەناوڕاس پارێزگاگە، تێمەیل وەرگیری شارستانی تەقەلای کۆنترۆلکردن ئاگرەگە دان.
پەیامنێر ئاژانس شەفەق نیوز خەوەردا، تیم وەرگیری شارستانی زوی رەسیەس شوین رویداوەگە و دەسکردیە وە ۆارەیل کپەوکردن تەقەلای نواگیری ئەوزەڵکردن ئاگرەگە دریاس لە چگنی ئەرا دوکان و بینایەیل دەوروگەردی.
وتیش، کارەیل سەردەوکردن وەردەوامە، وەپای وەڕێوەبەر راگەیانن وەرگیری شارستانی جەعفەر نزار هویچ پسایگ مردن یا زەخمداری نییە.