شەفەق نیوز/ دادگای تاوانەیل رەسافە لە بەغدا پایتەخت عراق، ئمڕوو دووشەممە، سزای لە سێدارەداین دەرکرد ئەرا بازرگانیگ مادەی هووشبەر وە تاوان ۆاڵین گیای ماریجوانای هووشبەر لەناو ماڵ.
ناوەن راگەیانن ئەنجومەن داد باڵا لە بەیاننامەیک رەسیە ئاژانس شەفەق نیوز راگەیان، " زیندانیەگە مادەی هووشبەر لەناو ماڵ کاڵیە لەبان خانی ماڵ وە مەبەست بازرگانیکردن وەپی، دەسنریاس وەبان (750) گرام لە مادەی حەشیش و(900) گرام لە مادەی کریستال هووشبەر کە وەپی بویە".
وتیش، "سزاگەی وەپای بڕگەیل مادەی 27 / سێەم لەیاسای هوشبەر و کاریگەری دەروینیەگان شمارە 50 ساڵ 2017 دەرکریاگە".