شەفەق نیوز ـ بەغدا

فەرماندەی پۆلیس بەغدا/ رەسافە، ئمڕوو شەممە، راگەیان  تاوانباریگ لە وەخت تاوانکردن دەسگیرکریا، لەوەختیگ کار جادوو و خەڵەتانن لە یەکیگ لە ناوچەیل لای رەسافە بەغدا ئەنجام دیاد.

فەرماندەیەگە لە بەیاننامەیگ فەرمی ئاشکرایکرد پرۆسەی دەسگیرکردنەگە دویای وەرگردن زانیاری دەس وەپیکرد، کە تاوانباریگە ئێ کارەیلە ئەرا خەڵەتانن  و دەسگردن وەبان پویل هاووڵاتیەیل ئەنجام دەێد، و دیاریکرد ئەرا  پێکهاوردن تیمیگ کار کە بویە مدوو دەسگیرکردن، وەگەرد پەیاکردن  شمارەیەگ ماددە و ئامراز کە لە کارەیل جادوو و هەڵخەڵەتانن وەکارتێن، و پشتڕاسیکرد ئەرا وەرگردن ریوشوین یاسایی هەوەجەکریاگ زیندانیکریا.

هێزە ئەمنیەیل تەقەلایەیلیان ئەرا وەدویاچگن و دەسگیرکردن ئەو کەسەیلە خەسەوکردنە کە کەفتنەسە ناو کارەیل جادووکردن و هەڵخەڵەتانن لە پارێزگایەیل، تەقەلا ئەرا دانان یاسایگ دەێد تا ئێ کارە وە تاوان بزانێد و سزا سەختەیلی دابین کەێد تا بڕەسێدە لە سێدارەدان.