شەفەق نیوز/ سەرچەوەیگ وەرپرس لە وەزارەت دارایی عراق، ئمڕوو شەممە، مەزەنە کرد مووچەی فەرمانبەرەیل و خانەنشینەیل وەرجە پشوو جەژن رەمەزان بەشەو کریەێد.
سەرچەوەگە ئەرا ئاژانس شەفەق دیاری کرد ک مەزەنە کریەێد وەرجە جەژن رەمەزان مووچەی فەرمانبەرەیل و خانەنشینەیل بەشەو بکریەێد، چوینکە سەر مانگ کەفێدە گەرد پشوو جەژنەگە.
وتیش: وەزارەت دارایی گشت تەقەلایلی دەێد تا وەرجە ٢٠ نیسان گشت مووچەیل بەشەو بکەێد، وتیش؛ یەکەم جار مووچەی فەرمانبەرەیل بەشەو کریەێد ئیجا هن خانەنشینەیل.
مەزەنە کریاگە جەژن رەمەزان بکەفێدە ٢١ یا ٢٢ نیسان.