شەفەق نيوز– بەسرە 

ناوچەی باب تەویل لە قەزای ئەبی خەسیب باشوور بەسرە، شەفەق ئمڕوو شەممە، رویداویگ کارەساتبار وەخوەی دی کە بویە مدوو کوشیان شەش کەس یەکیگیان زیارەتکەر کەربەلا بویە، لە ئەنجام وەردەوەردەیگ وە چەکەو لەناو دەسەی خزمەتکردن زیارەتکەرەیل چلەی ئیمام حسێن.

  سەرچەوەیگ ئەمنی ئەرا ئاژانس شەفەق نیوز وت: دەمەقاڵیگ کەفتیەسە ناوەین ئامووزایەیل لەناو دەسەی خزمەتکردن زیارەتکەرەیل کەربەلا، رەسیە تەقەکردن لەناوەین خوەیان، کە بویە مدوو کوشیان پەنج کەس لەلییان، وەگەرد کوشیان ریواریگ.

    سەرچەوەگە دیاری کرد کە مەزەنە کریەێد ئەو جەنگە چوودەو ئەرا مرافەیگ کوینە لەبان پۆست شێخ هووز، وتیش: کاریگ وەیجویرە لەناو دەسەی ئیمام حسێن سەر بەشداربویەیل زیارەتکردن چلەی ئیمام حسێن شیوان.

  وتیش: هیزیگ ئەمنی رەسیە شوین رویداوەگە و کەسەیلیگ دەسگیر کرد، و بڕیگ چەک برد.

 سەرچەوەگە دیاری کرد کە هیزە ئەمنییەگە 12 کەس لەناو جەنگەگە دەسگیر کرد، و دەسنادە بان 6 ماشین لەو رویداوە بەشداری کردوێن.