شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە پەیاکردن تەرم ئەندامیگ لە پۆلیس نەفت، و هەمیش ئەفسەریگ لە ئاژانس هەواڵگری ناوخۆ زەخمدار بوی، لە دوو رویداو جیاجیا لە پارێزگایل بەسرە و بەغدا.
سەرچەوەگە ئەرا ئاژانس شەفەق نیوز وت: هیزیگ ئەمنی تەرم کابرایگ پەیا کرد لە پۆلیس نەفت کار کەێد، ئەوەیش لە ناوچەی ئەبو سخێر لە بەسرە، دیاری کرد ک تەرمەگە شوین گولە لە لەشی بوی.
لە بەغداد مرافەیگ لە ناوبەین دوو کەس وەگەرد ئەفسەریگ وە پلەی رائید لە ئاژانس هەواڵگری ناوخۆ قومیا و هوکارەیلی دیار نییە، ئەوەیش لەناوچەی مەنسوور.
سەرچەوەگە وتیش: مرافەگە رەزیە زەخمداری ئەفسەرەگە وە چەقوو لە پشتی، و ئەو دوو کەس وەرەو شوین نادیاریگ واینە.