شەفق نیوز- بەغداد

داتایەیل چەودێری هەوای جیهانی، ئمڕوو یەکشەممە، نیشاندا، لە  24 ساعەت گوزەشتە، 15 ناوچە لە لیست بەرزترین پلەی گەرمی توومارکریاگ لە ئاست جیهان شوین گردنە، لەوانەش پەنج گلەیان ناوچەیل عراقن.

فڕۆکەخانەی ناودەوڵەتی بەسرە بەرزترین پلەی گەرمی لە جیهان توومارکرد کە رەسیە 50.7 پلەی سەدی، دویای ئەوەگ "ئومیدیە" ئیران وە 50.5 پلەی سەدی هات، دویای ناوچەی بەسرە ـ حوسێن لە عراق وە 49.9 پلەی سەدی لە پلەی سێیەم هات.

عەبادان ئیران لە پلەی چوارەم هات وە 49.4 پلەی سەدی، دویای ئەوەگ فڕۆکەخانەی ناودەوڵەتی کوێت لە پلەی پەنجەم وە 49.2 پلەی سەدی هات، لەوەختیگ ناسڕیە عراقی لە پلەی شەشەم جیهانی هات وە 49.1 پلەی سەدی.

لە پلەی حەفتەم ئەهواز لە ئیران هات وە 48.8 پلەی سەدی، دویای ئەوەگ ئەحسای سعودی لە پلەی هەشتەم وە 48.7 پلەی سەدی هات، دویایی دیوانیەی عراقی لە پلەی نۆیەم وە 48.7 پلەی سەدی، و سماوەی عراقی لە پلەی دەیەم وە 48.6 پلەی سەدی.

لە بەش تر لیستەگە، فڕۆکەخانەی ناودەوڵەتی مەلیک فەهد لە دەمام لە پلەی یانزەیەم هات وە 48.5 پلەی سەدی، و قەیسومەی سعودی وە 48.2 پلەی سەدی، و لیستەگە وە ناوچەی ئەبو سەمڕە لە قەتەر کۆتایی هات وە 47.4 پلەی سەدی.