شەفەق نیوز - بەغداد

نرخەیل هەردوگ خاو بەسرەی قورس و ناوەنجی، ئمڕوو سێشەممە، داوەزینیگ تومار کردن هاوەخت وەگەرد بەرزەوبۊن نرخەیل هەردوگ خاو برێنت و خوەرئاوای تەکساس ناوەنجی.

 خاو بەسرەی قورس 95.58 دۆلار ئەرا بەرمیلیگ تومار کرد، وە داوەزین 0.53 دۆلار، وە رێژەی 0.55 لە سەد، لە وەختیگ نرخ خاو بەسرەی ناوەنجی رەسیە نزیکەی 98.88 دۆلار، وە داوەزین وە خود بڕ و وە رێژەی 0.53 لە سەد.

 لە بازاڕە جەهانییەیل، خاو برێنت بەرزەو بۊ ئەرا 107.03 دۆلار ئەرا بەرمیلیگ، وە زیایبۊن 1.35 دۆلار، یا 1.28 لە سەد، هەمیش خاو خوەرئاوای تەکساس ناوەنجی بەرزەو بۊ ئەرا 102.83 دۆلار، وە زیایبۊن 1.44 دۆلار، یا 1.42 لە سەد.

 داتایەیل هەمیش بەرزەوبۊن نرخ خاو موربان ئیماراتی نیشان دان ئەرا 127.76 دۆلار ئەرا بەرمیلیگ، وە زیایبۊن 8.30 دۆلار، یا 6.95 لە سەد.

یەیش هاوەخت تیەێد وەگەرد تومارکردن بەرزەوبۊن لە نرخەیل نەفت، ئمڕوو سێشەممە، وەگەرد وەردەوامبۊن رخباریەیل لەباوەت شیویان دابینکردنەیل، دۊای ئەوەگ پەلامارەیل بان دامەزراوەیل وزە لە سعودیە بۊنە مدوو وسانن کڕ لۊلەیل خوەرهەڵات و خوەرئاوا، هاوەخت وەگەرد پەلامارەیل نوویگ لەبان شانشینەگە.