سەرچەوەیگ ئەمنی لە زیقار ئەرا ئاژانس شەفەق نیوز وت: دویەتیگ لە تەمەن ١٩ ساڵان خوەنەوارە لە مەکتەو، وە لەچگ سەری خوەی داگەسە سێدارە وەقەی قەواسەی ماڵیان لە قەزای شەترە باکوور پارێزگاگە، و دیاری کرد ک لێکۆڵینەوەی سەرەتایی نشان دەێد ک دویەتەگە زیان دەروینی داشتگە، و تەرمەگەی ئەرا پزیشک دادوەری بریا.
بەسرەیش لەبان تاوانیگ دڵتەزن هاتە خەوەر، وەدەس کەسەیلیگ نەناسیاگ لە قەزای دیر باکوور پارێزگاگە.
وەچەودیەیلیگ ئەرا ئاژانس شەفەق نیوز وتن: کەسەیلیگ نەناسیاگ چینەسە ناو ماڵ خانەوادەیگ ک باوگ و داڵگ و دویەتیگ بوینە، لە ماڵەیل کارخانەی کاغەز نزیک ویستگەی غاز لە قەزای دیر باکوور پارێزگاگە، و پیاو و ژنەگە ک تەمەنیان هاناو چل ساڵە وە چەکوش کوشتنە.
وتیش: تاوانکارەیل وەرەو شوین نادیاریگ واینە، و هیزەیل ئەمنی فرەیگ رەسینە شوین رویداوەگە و لێکۆڵینەوە ئەرا رەسین وە بندروس رویداوەگە واز کردن.