شەفەق نیوز - بەسڕە
سەرچەوەیگ ئەمنی، ئمڕوو شەممە، خەوەر دا لە کوشیان فەرمانبەریگ ژن کە لە کۆمپانیای نەفت بەسڕە کار کەێد وە دەس شۊ وەرینی کە فەرمانبەرە لە کۆمپانیای گشتی ئەرا بەندەرەیل عراق.
سەرچەوەگە ئەرا ئاژانس شەفەق نیوز وت، کە "پیاوەگە چگەسە ناو شوین کار ژنە وەرینەگەی ماوەی دەوام فەرمی و تەقە لەلی کردیە وە چەکیگ لە جۊر دەوانچە کە وەپی بۊە، و پەنج گولە وەشانیەسە گیان قوربانییەگە ئەوەگ بۊسە مدوو گیانلەدەسداینی دەسوەجێ"، و رۊداوەگە گلەو دا ئەرا بۊین ناکۆکییەیل کەسی لە ناوەین بکوش و قوربانییەگە.
وتیش کە "کەسەگە خوەی دۊای رۊداوەگە تەقە لە خوەی کردیە وە تەقلای خوەیکوشتن"، و دیاری کرد کە مەفرەزەیل فریاکەفتن ئەرا خەسەخانە بردنەی ئەرا وەرگردن چارەسەر لە سای چەودیارییگ ئەمنی لەبانی، لە وەختیگ تەرم قوربانییەگە ئەرا فەرمانگەی پزیشکی دادوەری لە بەسڕە بریا.