شەفەق نیوز/ بۆرسەی عراق، ئمڕوو یەکشەممە، وسیان کاری ئەرا ماوەی یەک رووژ راگەیان، چوینکە کەفێدە پشوو فەرمی.
بۆرسە لە بەیاننامەیگ رەسیە ئاژانس شەفەق نیوز وت: لەبان بڕیار ئەنجومەن وەزیرەیل وە راگەیانن پشوو فەرمی ئەرا یەک رووژ، وە بوونەی جەژن کریکارەیل جەهانی، دانیشتنەیل بازاڕەگە ئەرا سوو دووشەممە ١ ئایار ٢٠٢٣ وەڕیەو نیەچوود.
دیاری کرد ک یەکەمین دانیشتن بۆرسە دویای هچانەگە کەفێدە رووژ سێشەممە ٢ ئایار ٢٠٢٣.