پەیامنێر ئاژانس شەفەق نیوز وت: بانک ناوەندی عراق  لە زیایکردن ئاشکرای بڕ 268 ملیۆن و 304 هەزار و 25 دۆلاری فرووشت، کە وە نرخ بنەڕەتی 1310 دینار ئەرا هەر دۆلاریگ ئەرا کرێدیت دۆکیۆمێنتاری و یەکلاکردن ناودەوڵەتی بۆ کارت ئەلیکترۆنی فرووشتیە، وە نرخ 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1305 دینار ئەرا هەر دۆلاریگ وە شیوەی کاش.

 وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و قەرزکردن بویە، کە بڕی ٢٦٤ ملیۆن و ٩٥٤ هەزار و ٢٥ دۆلار بویە، کە وەریژەی ٩٩% زیایکردگە وەچەو فرووش نەختینەیی کە بڕی ٣ ملیۆن و ٣٥٠ هەزار دۆلار بویە.

 پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو  لە دەیشت وڵات رەسیەسە ١٥ بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیایکردنەگە کردنە ٦ کۆمپانیا بویە.