شەفەق نيوز- بەغداد/ هەولێر 

نرخ دۆلار ئەمریکی وەرانەور دینار عراقی، ئمڕوو سێشەممە، وەگەرد بەسیان بۆرسەیل سەرەکی بەغداد پایتەخت، و لە هەولێر پایتەخت هەرێم کوردستان، بەرزەو بوی.

پەیامنێر ئاژانس شەفەق نیوز وت: نرخ دۆلار ئەمریکی لە بۆرسەیل سەرەکی کیفاح و حارسیە لە بەغدای پایتەخت، بەرزەوبوین توومار کرد، کە نرخ 100 دۆلار ئەمریکی رەسیە 153100 دينار عراقی.

دویەکە دووشەممە، نرخ  100 دۆلار ئەمریکی رەسیە 152500  دينار عراقی.

پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد بەرزەو بوی، کە نرخ فرووشتن 100 دۆلار ئەمریکی رەسیە 153500 دينار عراقی، و نرخ سەنینی رەسیە 152500 دينار.

لە هەولێر پایتەخت هەرێم کوردستان، نرخ دۆلار هەمیش بەرزەوبوین توومار کرد، کە نرخ فرووشتن 100 دۆلار ئەمریکی رەسیە 153100 دينار عراقی، و نرخ سەنینی رەسیە 153000 دينار.