‏شەفەق نیوز ـ وەدویاچگن

‏نرخەیل نەفت قورس و ناوڕاس بەسرە، ئمڕوو پەنجشەممە، بەرزەو بوی، وەگەرد داوەزیان نرخ نەفت خام لە جیهان.

‏نرخ نەفت خام قورس بەسرە بەرزەو بوی ئەرا 62.81 دۆلار ئەرا هەر بەرمیلیگ، و زیایبوونیگ وە بڕ 7.72 دۆلار و وە رێژەی 14.01% توومار کرد، لە وەختیگ خام ناوڕاس بەسرە بەرزەو بوی ئەرا 66.11 دۆلار، وە زیایبوون 8.72 دۆلار و وە رێژەی 15.20%.

‏ئی بەرزەوبوینەیلە لە چوارچمگ شەپۆلیگ بەرزەوبوین فراوانیگە ئەرا نرخ فرەیگ لە نەفتەیل خام جیهان تێد، چوینکە  ئۆپیک بەرزەو بوی ئەرا 86.60 دۆلار ئەرا هەر بەرمیلیگ، وە زیایبوین 5.98 دۆلار و وە رێژەی 7.42%.

‏لە وەرانوەر، گرێبەستەیل ئایندە خام برێنت داوەزیا ئەرا 88.27 دۆلار ئەرا هەر بەرمیلیگ، وە داوەزیان 0.71 دۆلار یان 0.80%، لە وەختیگ خام خەرئاوای تەکساس ناوڕاست داوەزیا ئەرا 82.44 دۆلار، وە داوەزیان 0.83 دۆلار یان 1%.

‏هەمیش  خام مەربان 90.08 دۆلار ئەرا هەر بەرمیلیگ توومار کرد وە بەرزەوبوین وە رێژەی 1.10%، لە وەختیگ خام دوبەی 84.56 دۆلار وە زیایبوین 0.59%.

‏