شەفەق نیوز ـ بەغدا / هەولێر

ئمڕوو سێشەممە، نرخ  نەفت وەردەوام بوی لە بەرزەوبوین، وەگەرد زیایبوین رخداری لە وەردەوامی وەردەوەردە لە خوەرهەڵات ناوڕاس و کاریەری وەبان دابینکاری نەفت جیهانی، وە تایوەت وەرد نیگەرانیەل لەبان تەنگەی هۆرمز.

نەفت برێنت وە 34 سەنت، یا 0.35%، بەرزەوبوی و رەسیە  97.34 دۆلار ئەرا هەر بەرمیلیگ، لە وەختیگ نەفت خوەرئاوای تێکساس ناوراس وە 1.15 دۆلار، یا 1.26%، بەرز بوی و رەسیە 92.63 دۆلار ئەرا هەر بەرمیلیگ.

برێنت لە مامەیل رووژ گوزەشتە  بەرزترین ئاست خوەی لە 24 تەمموزەو توومار کرد، لە وەختیگ مامەڵەکارەیل بەرزەوبوین رخداری لە نرخەگە زیایکردن،  وە مدوو نیگەرانی لە پەککەفتن جویلەی بارهەڵگرەیل نەفتی لەری تەنگەی هۆرمز.

گۆڵدمان ساکس مەزەنەی نرخ برێنت ئەرا کانون یەکەم 2026 بەرز کرد ئەرا  85 دۆلار ئەزا هەر بەرمیلیگ لە وەرانوەر 80 دۆلار لە مەزەنەی گوزەشتە، هەمیش مەزەنەی نرخ نەفت خوەرئاوای تەکساس ناوەندی بەرزکزد ئەرا 80 دۆلار.

مەزەنەکرێد لە بازاڕەلیل نرخ نەفت وەردەوام بوود لە بەرزەوبوین تا کۆتا ساڵ، وەگەرد وەردەوامبوین رخداری پەیوەنیدارەیل وە جەنگ و وەردەوەردەیل بارکردن لە ناوچەگە.