شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە، وەگەرد بەسیان بۆرسەی سەرەکی بەغداد، بەرزەو بوی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت ئیوارەی ئمڕوو لەبان ١٤٨١٢٥ دەرەیلیان بەسان.
شەوەکی ئمڕوو نرخ دۆلار رەسیە ١٤٨٠٧٥ دینار عراقی وەرانوەر ١٠٠ دۆلار ئەمریکی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٤٨٥٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٥٠٠ دینار عراقی.