پەیامنێر ئاژانس شەفەق نیوز وت: نرخ دۆلار ئەمریکی، ئیوارەی ئمڕوو، وەگەرد بەسیان بۆرسەی سەرەکی کیفاح و حارسیە لە بەغداد پایتەخت، رەسیە ١٤٨١٥٠ دینار عراقی، وەرانوەر ١٠٠ دۆلار ئەمریکی.

شەوەکی ئمڕوز، نرخ ١٠٠ دۆلار ئەمریکی رەسیە ١٤٧٨٠٠ دینار عراقی.

 پەیامنێر ئاژانسمان وتیش؛ نرخ فرووشتن و سەنین لە دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٤٩٠٠٠ دینار عراقی، و نرخ سەنینی رەسیە ١٤٧٠٠٠ دینار عراقی.

لە هەولێر پایتەخت هەرێم کوردستان، نرخ دۆلار هەمیش وەگەرد بەسیان بۆرسە بەرزەو بوی، ک نرخ فرووشتن ١٠٠ دۆلار ئەمریکی رەسیە ١٤٨٥٠٠ دینار عراقی، و نرخ سەنینی رەسیە ١٤٨٤٥٠ دینار عراقی.