شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت، بەرزەو بوی.
پەیامنێر ئاژانس شەفەق نيوز وت: نرخ دۆلار لە بۆرسەی کیفاح و حارسیە لە بەغداد، شەوەکی ئمڕوو، رەسیە ١٤٨٣٥٠ دینار عراقی وەرانوەر ١٠٠ دۆلار ئەمریکی.
شەوەکی رووژ پەنجشەممەی گوزەشتە، نرخ دۆلار رەسیە ١٤٨٢٧٥ دینار عراقی وەرانوەر ١٠٠ دۆلار ئەمریکی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بوی، ک نرخ فرووشتن رەسیە ١٤٨٧٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٧٥٠ دینار عراقی.