شەفەق نیوز/ نرخ دۆلار ئەمریکی وەرانوەر دینار عراقی، ئمڕوو شەممە، لە بۆرسەی سەرەکی بەغداد پایتەخت بەرزەوبوی.
پەیامنێر ئاژانس شەفەق نيوز وت: نرخ دۆلار ئەمریکی وەرانوەر دینار عراقی، لە بۆرسەی کیفاح و حارسیە لە بەغداد پایتەخت، شەوەکی ئمڕوو، رەسیە ١٤٧٨٠٠ دینار عراقی وەرانوەر ١٠٠ دۆلار ئەمریکی.
شەوەکی رووژ یەکشەممەی گوزەشتە، وەرجە جەژن رەمەزان، نرخ دۆلار رەسیە ١٤٧٧٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بوی، ک نرخ فرووشتن رەسیە ١٤٨٢٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٧٢٥٠ دینار عراقی.