شەفەق نيوز/ نرخ دۆلار ئەمریکی وەرانوەر دینار عراقی، ئمڕوو سێشەممە، لە بۆرسەی سەرەکی بەغداد پایتەخت بەرزەوبوی و هەرێم کوردستان  داوەزی.    

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 146250 دینار عراقی وەرانوەر 100 دۆلار ئەمریکی،  دویکە 146100 دووشەممە توومار کریا.

پەیامنێرمان وتیش؛ نرخ فرووشتن و سەنین لە دوکانەیل بەغداد بەرزەوبوی، ک نرخ فرووشتن رەسیە 146750 دینار عراقی وەرانوەر 100 دۆلار ئەمریکی، و نرخ سەنینی رەسیە 145750 دینار.    

لەهەولێر پایتەخت  هەرێم کوردستانیش نرخ دۆلار داوەزین وە خوەی دی ، ک نرخ فروشتن رەسیە 145900 عراقی وەراوەر 100 دۆڵار ئەمریکی، و نرخ سەنینی 145800 عراقی وەراوەر 100 دۆلار ئەمریکی.