شەفەق نیوز/ نرخ تەڵای بیگانە و عراقی لە بازاڕە ناوخۆیەیلەی بەغدا بەرزەوبوی، و بازاڕەیل هەولێر پایتەخت هەرێم کوردستان، ئمڕوو چوارشەممە 24 ئاب 2022 جیگیربوی.

پەیامنێر ئاژانس شەفەق نيوز وت: نرخ فرووشتن یەک مسقاڵ عەیار 21 لە تەڵای خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت رەسیە 361 هەزار دینار، و نرخ سەنینی رەسیە 357 هەزار دینار، دویکە سێشەممە 358 هەزار بوی.

پەیامنێر ئاژانسمان وتیش: نرخ فرووشتن یەک مسقاڵ عەیار 21 تەڵای عراقی هەمیش جیگیربوین توومار کرد لەپای 331 هەزار دینار، و نرخ سەنینی رەسیە 327 هەزار دینار.

لەباوەت نرخ تەڵا لە دوکان زەرەنگەریل، نرخ فرووشتن یەک مسقاڵ تەڵای خەلیجی عەیار 21 ها ناونی 360 هەزار دینار و 370 هەزار دینار، و نرخ فرووشتن یەک مسقاڵ تەڵای عراقی ها ناونی 320 هەزار دینار و 330 هەزار دینار.

نرخ تەڵا لە هەولێر جیگیربوین وەخوەی دی، ک نرخ فرووشتن لەناو بازاڕەیلی وەیجویرە بوی:

یەک مسقاڵ عەیار 24 وە  410.000 هەزار دينار عراقی

یەک مسقاڵ عەیار 22 وە  378.000 هەزار دينار عراقی

یەک مسقاڵ عەیار 21 وە  368.000 هەزار دينار عراقی