پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی، لە بۆرسەی سەرەکی کیفاح و حارسیە، شەوەکی ئمڕوو، رەسیە ١٤٦٩٠٠ دینار عراقی وەرانوەر ١٠٠ دۆلار ئەمریکی.

شەوەکی رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٤٦٨٥٠ دینار عراقی.

 پەیامنێر ئاژانسمان وتیش: نرخ فرووشتن و سەنین لە دوکانەیل ناوخوەیی بەغداد جیگر بوی، ک نرخ فرووشتن ١٠٠ دۆلار ئەمریکی رەسیە ١٤٨٠٠٠ دینار عراقی، و نرخ سەنینی رەسیە ١٤٦٠٠٠ دینار عراقی.

لە هەولێر پایتەخت هەرێم کوردستان، نرخ دۆلار هەمیش بەرزەوبوین کەمیگ توومار کرد، ک نرخ فرووشتن ١٠٠ دۆلار ئەمریکی رەسیە ١٤٧١٠٠ دینار عراقی، ز نرخ سەنینی رەسیە ١٤٧٠٠٠ دینار عراقی.