شەفەق نيوز/ نرخ دۆلار ئەمریکی وەرانوەر دینار عراقی، ئمڕوو یەکشەممە، لە بۆرسەی سەرەکی بەغداد پایتەخت و هەرێم کوردستان  بەرزەوبۊی.      

پەیامنێر ئاژانس شەفەق نيوز وت: نرخ دۆلار بۆرسەی کیفاح و حارسیە لە بەغداد پایتەخت شەوەکی ئمڕوو رەسیە 147200 دینار عراقی وەرانوەر 100 دۆلار ئەمریکی.  

دۊکە شەممە، نرخ دۆلار رەسیە 147050 دینار عراقی وەرانوەر 100 دۆلار ئەمریکی.     

پەیامنێرمان وتیش؛ نرخ فرووشتن و سەنین لە دوکانەیل بەغداد بەرزەوبۊیە، ک نرخ فرووشتن رەسیە 147750 دینار عراقی وەرانوەر 100 دۆلار ئەمریکی، و نرخ سەنینی رەسیە 146750 دینار.                  

لەهەولێر پایتەخت  هەرێم کوردستانیش نرخ دۆلار بەرزەوبۊن وەخوەی دی، ک نرخ فروشتن رەسیە 147300 عراقی وەراوەر 100 دۆڵار ئەمریکی، و نرخ سەنینی 147000 عراقی وەرانوەر 100 دۆلار ئەمریکی.