شەفەق نیوز/ نرخ تەڵای عراقی و  بیگانە لە بازاڕە ناوخۆیەیلە، ئمڕوو سێشەممە ، 12ی نیسان 2022    بەرزەوبۊ. 

پەیامنێر ئاژانس شەفەق نیوز وت : نرخ فروشتن یەک مسقال تەڵای عەیار 21 خەلیجی و تورکی و ئەوروپی لە بازاڕەیل بڕ فرووشتن لە جادەی نەهر بەغدای پایتەخت، رەسیە 404 هەزار دینار، ونرخ سەنینی رەسیە 400 هەزار، نرخ فروشتن دۊکە دوشەممە 399 هەزار بۊ. 

پەیامنیرمان وتیش: نرخ فروشتن یەک مسقال تەڵای عراقی بەرزەوبۊن وە خوەی دی لە پای 364 هەزار دینار وە نرخ سەنینی رەسیە  360 هەزار دینار. 

لە باوەت نرخ تەڵا لە دوکان زەرەنگەریلە، نرخ فروشتن یەک مسقاڵ تەڵای عەیار 21 خەلیجی ها لە ناوەنی 405 هەزار دینار و 415 هەزار دینار، نرخ تەڵای عراقی ها لە ناوەنی 365 هەزار و 375 هەزار دینار.