شەفەق نیوز/ نرخ دۆلار ئەمریکی وەرانوەر دینار عراقی، ئمڕوو پەنجشەممە، لە بۆرسەی سەرەکی بەغداد پایتەخت، و لە هەرێم کوردستان بەرزەو بۊی.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو ١٤٨٣٠٠ دينار عراقی وەرانوەر ١٠٠ دۆلار ئەمریکی توومار کردن.
دۊیەکە چوارشەممە، نرخ دۆلار رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی.
پەیامنێرمان وتیش: نرخ فرووشتن و سەنین لە دوکانەیل ناوخۆیی بەغداد بەرزەو بۊی، ک نرخ فرووشتن رەسیە ١٤٨٧٥٠ دینار وەرانوەر ١٠٠ دۆلار ئەمریکی، و نرخ سەنینی رەسیە ١٤٧٧٥٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش بەرزەوبۊن وەخوەی دی ک نرخ فرووشتن رەسیە ١٤٨٥٠٠ دینار وەرانوەر ١٠٠ دۆلار ئەمریکی، و نرخ سەنینی رەسیە ١٤٨٠٠٠ دینار.