شەفەق نیوز/ کەشناس سادق عەتیە، ئمڕوو دووشەممە، مەزەنەکرد لە بەرزوبوین پلەی گەرمی لە عراق لەماوەی رووژەیل ئایندە و پلەی گەرمی 30 پلە رەدکەێد.
عەتیە لە پۆسستیگ لەبان تووڕ کۆمەڵایەتی وت: "لە ئمشەوەو کۆتایی وە ناجیگیری کەشوهەوا تێد کە کاریگەری دروسکردبوی وەبان بڕی لە شارەیل باشوور و باکوور و خوەرهەڵات وڵاتەگە" وتیش؛ " سوو تا کۆتایی هەفتە وەشێوەی گشتی کەشوهەوا لە شارەیل جیگیرە".
وتیش "رووژ چوارشەممە پلەی گەرمی دەسکەێدە بەرزەوبوین 30 پلەی سەدی بەرزترەو لە باشوور و ناوڕاس وڵاتەگە، ئەرا یەکەمین جار لەسەرەتای وەرز وەهار، بەرزەوبوینەگە وەردەوامبوود نزیکەی 3 ـ4 رووژ".