شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە بڵاوبوین ئەمنی خەسیگ لە دەوروگەرد بایلۆزخانەی سوریا لە بەغداد پایتەخت عراق.
سەرچەوەگەوە ئاژانس شەفەق نیوز وت، بایلۆزخانەی سوریا لە بەغداد لەدویەشەو رێکارەیل ئەمنی تونیگ وەخوەی دیە لەناویانیش بەسانن ئەو ریە کە رەسێد وەپی لە ناوچەی مەنسوور.
رووشنیکرد، "هێزەی پاسەوانی بایلۆزخانەی وەشیوەی خەسیگ بڵاوبوینە و ریەگە بەسانە جویر رێکاریگ ئەرا هەر رویداویگ لەناوکاو".
دیاریکرد " ئێ رێنمایەیلە لە دویای بەرزەوکردن ئاڵای نوو سوریا وەبان بینای بایلۆزخانەگە دەرچگە، رێکارەیل ئەمنی تونیگ و قەیەغەکردن نزیکەوبوین لە ناوچەی بایلۆزخانەگە وەگەرد دووپاتکردن لە وریابوین گرێدەخوەی".
لەدویا ئەوزەڵکردنەیل هەمان سەرچەوە دووپاتکرد "رێکارە ئەمنیەیل کەمەوبوینە لە شەواکی ئمڕوو یەکشەممە، بارودۆخ ئەمنی سروشتی و جیگیرە".