شەفەق نیوز ـ بەغداد
فەرماندەیی ئۆپراسیۆنەیل بەغدا، ئمڕوو یەکشەممە، خەوەردا لە بەسانن سێ یانە و هۆڵەیل شەوانە و دەسگیرکردن توومەتبار و سەرپیچیکەرەیل، لەناویان بیانیەیل سەرپیچیکەر یاسای نیشتەجیبوین هەس، لە ناوەین هەڵمەتیگ ئەمنی لەلای رەسافە لە پایتەخت.
فەرماندەیەیەگە لە بەیاننامەیگ رەسیە ئاژانس شەفەق نیوز راگەیان، کەرتەیل دوو تیپ (یەکەم و پەنجەم) لە پۆلیس فیدڕاڵی، وە پشت بەسان وە دەزگا و ئاژانسەیل هەواڵگێری وەردەوامبین لە جیوەجیکردن کارەیل ئەمنی ئەرا وەدویاچگن و دویزەوبوین لە چێشتخانە و هۆڵەیل و پرۆژەیل گەشتوگوزار بی مووڵەت.
ئاشکرایکرد، لە ئەنجام سێ یانە و هۆل شەوانە بەسریان کە سەرپیچی تەمەیل دەسەی گەشتوگوزار کردنە، لەلایگیش دوو توومەتبار وەپای یاسا جیاوازەیل دەسگیرکریان، وەگەرد کەسەیلیگ بیانی کە سەرپیچیکەر یاسای نیشتەجیبوینن، وەرد دەسگردن وەبان چەک و کەرەستەیل بی مووڵەت.
لە بەیاننامەگە دووپاتکرد، گشت توومەتبارەیل و سەرپیچیکەرەیل و دەسوەبانگیریاگەیل دریانەس دەس لایەنەیل پەیوەندار تا رێکار راسایی وەرانوەریان بگیرێد.