شەفەق نیوز - بەغداد
وەڕێوەبەرایەتی وەرگری شارستانی، ئمڕوو جمعە، خەوەردا کە کراکاریگ گیان لەدەس داگە و دوانزەی تر وە زەخمدارییەیل جیاجیا زەخمدار بۊنە، وە مدوو رمیان بان باڵەخانەیگ لە ژیر دروسکردن لە ناوچەی عەتیفیە لە لای کەرخ لە پایتەخت بەغداد، ئەوەیش ماوەی جیوەجیکردن کارەیل رشانن کۆنکرێت دۊای نیمەشەو پەنجشەممە.
و وەڕێوەبەرایەتییەگە لە بەیاننامەیگ فەرمی دیاری کرد، کە تیمەیل رزگارکردن سەروە پی توانایەیل مەیدانی خوەیان خستنە کار دەسوەجێ دۊای رەسین خەوەرەگە، کە تۊەنستن تەرم کرێکارە مردگەگە درارن، و دەرهاوردن زەخمدارەیل مسۆگەر بکەن و فریاگوزارییەیل سەرەتایی مەیدانی پیشکەشیان بکەن وەرجە بردنیان ئەرا خەسەخانە نزیکەیل ئەرا وەرگردن چارەسەر، وەگەرد وازکردن لێکۆڵینەوەیگ فەرمی ئەرا دیاریکردن مدووەیل رمیانەگە و چۊنیەتیی.