شەفەق نیوز/ سەرچەوەیگ ئەمنی لە دیالە، ئمڕوو دووشەممە، خەوەردا لە دەسگیردن دوو کاندید کەسەرپیچی یاساگان هەڵوژاردن کردنە لە پارێزگاگە و یەکیگیان لە دویای ئازادکریاس.
سەرچەوەگە وە ئاژانس شەفەق نیوز خەوەردا " دەزگایەیل ئەمنی و هەواڵگێری کاندیدیگ سەر وە هاوپەیمانی (دیالتنا) دەسگیرکردنە لەوەر سەرپیچیکردن یاسا کۆنترۆلیەگان هەڵوژاردن نزیک یەکیگ لە بنکەیل دەنگداین لە ناحیەی جەلەولا"، وتیش "ئەرا ماوەی چەن ساعاتیگ دەسگیرکریاس و دویای ئازادکریایە".
سەرچەوەگە وتیش وەهەمان هووکار "کاندیدیگ هاوپەیمانی (الاساس) لە نزیک بنکەی دەنگداین دەسگیرکریایە لە دەوروگەرد بەعقوبە لەوەر سەرپیچیکردن یاساگان بانگەشەی هەڵوژاردن و دروسکردن کاریگەری نەرێنی وەبان وەڕێوەچگن پرۆسەی هەڵوژاردنەگە".