شەفەق نيوز- بەغداد 

زانیاریی فەرمیەیل دەرچگ لە ئەنجومەن دادوەری باڵا، ئمڕوو چوارشەممە، دەرخس  دادگايل فیدراڵی لە گشت پارێزگایەیل عراق - بیجگە لە هەرێم کوردستان - 42 هەزار و 181 مارەبڕین و تەلاق لە مانگ ئەیلوول/سێپتەمبەر گوزەشتە توومار کردنە.

وەپای ئامارییەیل دەرچگ لە دادگا، بڕ شمارەی گرێبەسەیل مارەبڕین  35 هەزار و 440 گرێبەس بۊ کە  بغدای پایتەخت (وە هەردووگ لای کەرخ و رەسافە) وە 8938 گرێبەس لە بان لیستەگە بۊ، و دویای ئەو نینەوا وە 4055 گرێبەس هات.

لە لایەن جیاوبوین، زانیارییەیل ئاشکرا کردن  گشت حاڵەتەیل تەلاق رەسیەسە 6741 کە بغداد لەبان لیستەگە بۊ وە 2515 حاڵەت، و دویای ئەو نینەوا هات وە 678 حاڵەت.

 نیشاندەرەیل بەراورد وە مانگیگ وەرجە ئەوە، بەرزەوبوینیگ لە جویڵەی یاسایی دادگايل دەرخەن، کە هەمان دادگايل لە مانگ ئاب/ئۆگۆست گوزەشتە نزیکەی 27 هەزار گرێبەس زەواج و تەلاق توومار کردوی.

ئێ شمارەیلە،  15 پارێزگا گردە خوەی، وەردەوامی جیاوازی رێژەی جێگیری کۆمەڵایەتی دەرخەن، وەگەرد دۊزەوکردن زیاتریگ لە   کەرت مامەڵەی یاسایی لە پارێزگایەیل خاوەن خەسی دانیشتگەیل بەرز.