شەفەق نیوز/ سەرچەوەیگ ئەمنی لە پارێزگای زیقار، ئمڕوو یەکشەممە، خەوەردا لە کوشیان و زەخمداری سێ کەس وە رویداویگ هاتوچو لە باکوور پارێزگاگە.
سەرچەوەگە ئەرا ئاژانس شەفەق نیوز وت: رویداویگ هاتوچو لەبان ری ناودەوڵەتی ناوبەین زیقار و بەغداد پایتەخت بویە هوکار کوشیان نەدا حسەینی خانمە وەرپرس دیدار ژنانەی ناسریە لە وەزارەت گەنج و وەرزش، و زەخمداری دوو کەس لە ریخریاگەیل کۆمەڵگای شارستانی.
سەرچەوەگە دیاری کرد ک تەرمەگە ئەرا پزشک دادوەری بریا، و دوو زەخمدارەگە ئەرا خەسەخانە بریان.