شەفەق نیوز- زیقار
سەرچەوەیگ ئەمنی، ئمڕوو دوشەممە، خەوەردا، کە دەزگایەیل ئەمنی لە پارێزگای زیقار پرۆسەیگ جویری ئەنجام دان کە بۊە مدوو دەسگیرکردن وەرپرس دۆسیەی پارچە زەوییەیل لە فەرمانگەی تەندروسی زیقار.
سەرچەوەگە ئەرا ئاژانس شەفەق نیوز وت، کە پرۆسەگە هەمیش بۊە مدوو دەسگیرکردن وەرپرس یاسایی لە شارەوانی ناسریەی وەرین، و دیاری کرد کە هیزەیل ئەمنی شمارەیگ فرە لە دۆسیەیل پارچە زەوییەیل لەلای پەیا کردن، کە خوازیاد لە شوینیگ ئەرا شوینیگ ترەک لە ناوڕاس شار ناسریە ئاڵشت بکەێد.
هەمیش وت کە هەردوگ دەسگیرکریاگەگە ئەرا شوین بەندکردن تایبەتیگ بریان ئەرا تەواوکردن رێکارە یاساییەیل.