شەفەق نيوز- بەغداد 

فەرماندەی ئۆپراسیۆنەیل هاوبەش، ئمڕوو یەکشەممە، ناسنامەی ئەو لایەنەیلە دیاری کرد کە پەلامار فەرمانگەیگ حکومەتی دانە لە بەغدا، و بوینەسە رویوەڕوی وەگەرد هیزەیل ئەمنی.

فەرماندەییەگە لە بەیاننامەیگ رەسیە ئاژانس شەفەق نیوز وت: فەرمانگەی کشتی هیزە چەکدارەیل فەرمان دا وە دروسکردن دەسەی لێکۆڵینەوە ئەرا رەسین وە بندروس ئەو پەلامار تاوانیە لەناو یەکیگ لە فەرمانگەیل وەزارەت کشتوکاڵی لەلای کەرخ شەوەکی ئمڕوو.

 بەیانامەگە وتیش: سودانی داوای زانستن چوینیەتی جویلەکردن ئەو هیز چەکدارە کرد وەبی فەرمان و مووڵەت فەرمی و تەقەلای دەسناین وەبان بینایگ حکومەتی و تەقەکردن لە هیزەیل ئەمنی.

وتیش: هیزەیل ئەمنی توەنستن 14 توومەتبار دەسگیر بکەن، و لە نووڕستن ناسنامەیلیان دەرکەفت کە هانە لیوای  (45 , 46 ) لە حەشد شەعبی، و هەواڵەی دادگا کریان و ریکارەیل یاسایی وەرانوەریان جیوەجی کریا.