پولیس لە بەیاننامەیگ دیاری کرد کە دویای ئەوە کە کابرایگ وتیە گوایە کەسەیلیگ خوەی ناسێدەیان وە ماشینیگ مارکەی "تاهو" لە ناوچەی باب موعەزەم لە رووژ ١٣ی ئاب لە ناوچەی باب موعەزەم رفاننەس، و لە رووژ ١٦ی خود مانگ مەرەقەزی کردن و خستنەی بان جادەی محمد قاسم، دویای شکەنجەدانی.
وەگورەی بەیاننامەگە، تیمیگ کارکردن پسپۆڕ دروس کریا لە بەش پولیس بەغداد جدیدە، و روی وەرەو خەسەخانە کردن و قسەی رفیایەگە توومار کردن.
بەیاننامەگە وتیش: دویای رەسین وە بندروس کارەگە و راسی و ناڕاسی قسەیل رفیایەگە، دەرکەفت کە رفیانەگە درووکانی بەسەر و خوەی وە دەسی کابرایگ لەناو زیندان ئی کارە کردنە، تا بوختی بکەنە وەڕیەوبەر یەکیگ لە فەرمانگەیل لە ناوچەی ئەعزەمی لە بەغداد، چوینکە ناکۆکی لەناوەینیان هەس.
لە بەیاننامەگە دەرکەفت کە لەو ماوە کە گوایە ئەو کابرا رفیاگە، خوەی لە پارێزگای هەولێر بویە، و هەناێ پزشکەیل وەشکین ئەرای کردن، دەرکەفت کە خوەی وەدەس خوەی زەخمدار لەشی کردگە.
شەوەکی ئمڕوو، سەرچەوەیگ لە پولیس خەوەردا لە پەیاکردن کابرایگ رفیاگ دەس و چەوەیلی بەسیاس، و تەندروسیی ناجیگیرە، لە کەنار ریەگە خوەرهەڵات بەغداد پایتەخت.