شەفەق نیوز/ شارەزایگ کەشناسی، ئمڕوو یەکشەممە، مەزەنە کرد ئی خوەڵوتوزە ک دەێد لە پایتەخت عراق لە ساعەتەیل شەو پاکەو بوود، و لە خود وەختەگە مەزەنە کرد ک لەو شارەیل تا شەوەکی سوو دووشەممە وەردەوام بوود.  

سادق عەتیە لە پۆستیگ لەبان فەیسبووک ک ئاژانس شەفەق نیوز چەودێریی کرد وت: شەپۆل خوەڵوتوزەگە لە شار بەسرە وەڕەنگ پەمەییە، و مەزەنە کرد سووکەو بوود و لە ساعەتەیل شەو لە ئاسمان بەغداد و شارەیل ناوڕاس و فورات ناوڕاس  کەمکەم پاکەو بوود،  و ئەرا شەفەق یا شەوەکی سوو دووشەممە نەمینێد.     

عەتیە مەزەنە کرد ک ئمجا شارەیل باشوور و شار بەسرەیش کەفنە وەر تەپوتووزەگە، تا رووژ دووشەممە وەتەواوی پاکەو بوود.