شەفەق نیوز - میسان
سەرچەوەیگ ئەمنی، ئمڕوو پەنجشەممە، خەوەر دا لە دەسگیرکردن وەڕێوەبەر فەرمانگەی یاسایی لە شارەوانی قەزای مجەڕ ئەلکەبیر لە پارێزگای میسان، وەلایەن هێزیگ سەر وە دەزگای ئاسایش نیشتمانی.
سەرچەوەگە وە ئاژانس شەفەق نیوز وت: هێزەگە دەیان مۆر و دۆسیەی تایبەت وە بەشەوکردن زەوی وە دەس دەسوەسەرکریاگە پەیاکرد لە قەزای مجەڕ ئەلکەبیر.
دیاری کرد، توومەتبارەگە فەرمان دەسگیرکردن دادوەری ئەرای دەرچگە وەپای سزای مادەی 341 لە یاسای سزادان عراقی شمارە 111 ئەرا سال 1969..